ጎግል በአንትሮፒክ እስከ 40 ቢሊዮን ዶላር ኢንቨስት ለማድረግ ወሰነ

🙏 የኩባንያው ዋጋም 350 ቢሊዮን ዶላር ደርሷል

ጎግል 10 ቢሊዮን ዶላር በአንትሮፒክ ላይ ኢንቨስት የሚያደርግ ሲሆን፣ ቀሪው 30 ቢሊዮን ዶላር ደግሞ በሥራ አፈፃፀም ግቦች ላይ ተመስርቶ የሚለቀቅ ይሆናል። ይህ ስምምነት የኩባንያውን አጠቃላይ ዋጋ 350 ቢሊዮን ዶላር ሲያደርሰው በሁለቱ ተቋማት መካከል ያለውን ሰፊ አጋርነትም ያጠናክራል።

አንትሮፒክ የሰው ሰራሽ አስተውሎት (AI) ሞዴሎችን የሚገነባ ኩባንያ ሲሆን፣ በተለይም ክላውድ ኮድ (Claude Code) የተሰኘው የኮዲንግ መተግበሪያው ከፍተኛ ተፈላጊነትን አግኝቷል።

በስምምነቱ መሰረት የጎግል ክላውድ (Google Cloud) ለሚቀጥሉት 5 ዓመታት እስከ 5 ጊጋ ዋት (GW) የሚደርስ የኮምፒውቲንግ አቅም ለአንትሮፒክ ያቀርባል።

ሁለቱ ኩባንያዎች በአንድ በኩል አጋር በሌላ በኩል ደግሞ ተፎካካሪ ሲሆኑ አንትሮፒክ ለሥራው የሚያስፈልጉትን ቺፖች እና መሠረተ ልማቶች ለማግኘት በጎግል ላይ ይተማመናል።