የተባበሩት መንግሥታት የሰብአዊ መብቶች ኮሚሽነር AI የደህንነት እና የቁጥጥር ማዕቀፎች እንዲበጁለት ጠየቁ

የተባበሩት መንግሥታት የሰብአዊ መብቶች ኮሚሽነር ሰው ሰራሽ አስተውሎት ለሰው ልጅ "ህልውና" ስጋት ሊሆን እንደሚችል አስጠነቀቁ።

ኮሚሽነሩ ቮልከር ቱርክ ዛሬ እንዳስጠነቀቁት ሰው ሰራሽ አስተውሎት (AI) በቅርብ ጊዜያት ውስጥ የሰው ልጅ ህልውናን ለመፈታተን የሚያስችል አቅም ሊኖረው ይችላል።

“ከፍተኛ እድገት ያሳዩ የሰው ሰራሽ አስተውሎት ቴክኖሎጂዎች ለሰው ልጅ ህልውና ስጋት ሊሆኑ ይችላሉ በሚለው የኢንዱስትሪው ባለሙያዎች ስጋት እጋራለሁ” ሲሉም ስጋታቸውን አጠናክረዋል።

ኮሚሽነር ቮልከር ቱርክ ስጋታቸውን የገለጹት በሚቀጥለው ወር የሚጀምረውን ሁለተኛ የሥራ ዘመናቸው በማስመልከት ለተባበሩት መንግሥታት የሰብአዊ መብቶች ምክር ቤት ባደረጉት ንግግር ነው።

አያይዘውም “ሁኔታው ከመምሸቱ በፊት፣ በAI ደህንነት እና ጥበቃ ዙሪያ ጠንካራ እና አስተማማኝ ዋስትናዎችን ለማስቀመጥ ሙሉ ጥረት እንዲደረግ ዛሬ ጥሪ አቀርባለሁ” ብለዋል።

ስማቸውን ባይጠቅሱም "ጥቂት ግለሰቦች በAI ላይ ያልተገደበ ሥልጣን” እንደያዙ ገልጸዋል። ይሁንና ጋዜጠኞች ሜታ፣ አንትሮፒክ፣ ኦፕንኤአይ እና ጉግል የመሳሰሉ ዋና ዋና የAI ኩባንያዎች ማለታቸው እንደሆነ ጠቅሰዋል።